"Yuventus" himoyachisi Xuan Kabal o‘ng sonining ikki boshli mushagidan jarohat oldi, deya xabar berdi klub matbuot xizmati.
24 yoshli kolumbiyalik futbolchi Chempionlar Ligasi umumiy bosqichining 2-turidan o‘rin olgan "Vilyarreal"ga (2:2) qarshi o‘yinda jarohat olgan edi.
Ikki haftadan so‘ng futbolchi tiklanish muddatini aniqroq belgilash uchun qo‘shimcha tekshiruvlardan o‘tishi rejalashtirilgan. La Gazzetta dello Sport xabariga ko‘ra, himoyachi kamida 6 haftaga safdan chiqqan.
Kabal yaqinda 2024 yilda xochsimon bog‘lamlari jarohatidan tuzalib safga qaytgandi. 2025/26 yilgi mavsumda 3 ta o‘yinda maydonga tushib, 1 ta gol urgan. Uning "Yuventus" bilan shartnomasi 2029 yilning 30 iyuniga qadar amal qiladi.
