Англиянинг "Кристал Пэлас" клуби 21 ёшли таянч ярим ҳимоячиси Адам Уортонни ўз сафида олиб қолмоқчи. Бу ҳақда BBC хабар бермоқда.
Манбага кўра, клуб раҳбарияти янги келишувга 86 миллион евро миқдорида сотиб олиш бандини киритишни режалаштирмоқда. Англия терма жамоаси сафида 1 та ўйин ўтказган Уортоннинг амалдаги шартномаси 2029 йилда ўз ниҳоясига етади.
"Блекбэрн" тарбияланувчиси бўлган футболчи "Кристал Пэлас" сафида 2024 йилдан буён тўп тепиб келмоқда ва у билан Англия Кубоги ва Суперкубогини қўлга киритган. Бу мавсумда у клуб миқёсида 8 та ўйинда майдонга тушиб, 1 та голли узатмани амалга оширди. Transfermarkt портали Уортоннинг нархини 45 миллион еврога баҳоламоқда.
