"Бавария" дарвозабони Мануэль Нойер 40 ёшдан кейин ҳам клубдаги фаолиятини давом эттириши мумкин.
Юлдуз фахрийнинг амалдаги шартномаси келаси ёзда тугайди, аммо "Бавария" шартномани узайтиришга тайёр, деб хабар беради Bayern & Germany. 39 ёшли сардор мюнхенликларнинг асосий дарвозабони бўлиб қолмоқда ва ҳали ҳам формада - агар вазият ўзгармаса, у ўз келажагини ўзи белгилай олади.
Бундан ташқари, Нойер агар Германия терма жамоасидан таклиф олса, бўлажак жаҳон чемпионати олдидан Германия терма жамоасига қайтишга тайёр. Футболчининг ўзи терма жамоада ўйнашни режалаштирмаётганини оммага маълум қилган, аммо бундай имконият истисно қилинмайди.
Март ойида Мануэль Нойер 40 ёшга тўлади.
