"Интер Майами" ҳужумчиси Луис Суарес клуб билан шартномани узайтириши мумкин.
38 ёшли футболчи фаолиятини шу йил охирида якунлаш ҳақида ўйлаётганини тан олган, аммо "қўтонлар" уругвайлик юлдузни фаолиятини давом эттиришга кўндирмоқда. Журналист Мартин Черкеронинг маълум қилишича, "Интер Майами" аллақачон Суаресга янги шартнома бўйича таклиф билан чиққан. Ҳужумчи ҳали якуний қарорга келгани йўқ.
Луис Суареснинг амалдаги шартномаси декабрь ойида ўз ниҳоясига етади. Фахрий футболчи жорий мавсум Хавьер Маскерано жамоаси сафида 43 та ўйинда майдонга тушиб, 16 та гол ва шунча ассистни ўз ҳисобига ёздириб қўйди.
