"Барселона" Европа Суперлигаси лойиҳасини қўллаб-қувватлашдан бош тортиши мумкин. Турнирни ташкил этиш ғояси бир неча йилдан бери мавжуд, аммо уни амалга оширишга эришилмаган. "Барселона" ва Мадриднинг "Реал" клублари Европа футболидаги ислоҳотларни энг фаол қўллаб-қувватлаган эди, аммо энди Каталония гранди лойиҳадан воз кечишни режалаштирмоқда, деб ёзади Esports RAC1. Манба буни сўнгги вақтларда "Барса"нинг УEФА билан муносабатлари анча яхшилангани билан изоҳламоқда.
Чоршанба куни "кўк-анорранглилар" Чемпионлар Лигаси умумий босқичининг 2-турида "ПСЖ"га имкониятни бой бериб қўйди (1:2). Якшанба куни Ханс-Дитер Флик жамоаси Ла Лигада "Севилья"га қарши майдонга тушади.
