"Барселона" марказий ҳимоячиси Рональд Араухо "Челси" қизиқишлари доирасига тушиб қолди.
"Кўклар" жароҳатлар туфайли ҳимояда кадрлар билан боғлиқ муаммоларга дуч келмоқда, шунинг учун улар қишки трансфер ойнасида таркибни кучайтириш вариантларини аллақачон ўрганмоқда. Diario Sport хабарига кўра, "Челси" Араухо учун "Ливерпуль" ва "Тоттенхэм" билан курашишга тайёр. Битимни амалга ошириш осон бўлмайди, чунки "кўк-анорранглилар" уругвайликни қўйиб юбориш истагида эмас.
Transfermarkt портали Рональд Араухонинг нархини 35 млн еврога баҳоламоқда. 26 ёшли футболчининг "Барселона" билан амалдаги меҳнат шартномаси 2031 йилнинг ярмигача мўлжалланган.
