"Бавария" вингери Серж Гнабри шартномани узайтириши мумкин. 30 ёшли футболчининг амалдаги шартномаси жорий мавсум якунлангач ўз ниҳоясига етади. Мюнхен клуби футболчини сақлаб қолишни истайди, аммо фақат маоши қисқартирилган ҳолда. "Бавария" раҳбарияти Гнабрининг сўнгги ойлардаги ўйинидан мамнун ва у келгусида ҳам жамоага қўл келишига ишонмоқда, шу боис келишувни узайтиришдан манфаатдор.
Айни дамда Серж Гнабри йилига 17-18 млн евро атрофида маош олади. Қайд этилишича, футболчи "Бавария"да ўзини қулай ҳис қилмоқда ва маошининг пасайишига рози бўлишга тайёр.
