Халқаро спорт тадқиқотлари маркази (CIES) Европа топ-5 миллий чемпионатларининг энг кекса жамоасини аниқлади. Берилган маълумотларга кўра, у Италия А Серияси чемпиони "Наполи" ҳисобланади.
CIES хабарига кўра, Неаполь жамоаси футболчиларининг ўртача ёши 29,56 ёшни ташкил этади. Шунингдек, энг ёши катта клублар бешлигидан "Райо Вальекано" (29,5), Миланнинг "Интер" (29,35), "Овьедо" (28,61) ва "Осасуна" (28,57) клублари жой олган.
Италия чемпионатининг жорий мавсумида "Наполи" бешта ўйиндан сўнг 12 очко тўплади. Антонио Конте шогирдлари қўшимча кўрсаткичлар бўйича пешқадам "Милан"дан ортда қолиб, иккинчи поғонада бормоқда.
