Ҳозиргача жамоада дебют қилмаган "Ньюкасл" форварди Йоан Виссанинг тикланиш муддати ҳақида янги маълумотлар пайдо бўлди.
Журналист Кит Даунининг хабар беришича, "қарғалар"нинг янги аъзоси халқаро танаффус якунланмагунча майдонга қайтмайди. Шу билан бирга, тикланиш муддати узайиши мумкинлиги таъкидланган.
Ёзги трансферлар вақтида "Ньюкасл" 29 ёшли Висса учун қарийб 60 миллион евро тўлаганди. Бироқ, сентябрь ойи ўрталарида футболчи Конго ДР терма жамоаси сафида жароҳат олди, шунинг учун у ҳали инглиз клубида дебют қила олмади.
5 октябрь куни "Ньюкасл" ўз майдонида "Ноттингем Форест"ни қабул қилади. Премьер-лига 7-туридан ўрин олган ўйин Тошкент вақти билан 18:00да старт олиши кутилмоқда.
