Мадриднинг "Реал" клуби бош мураббийи Хаби Алонсо Ла Лига 7-туридан ўрин олган "Атлетико"га (2:5) қарши ўйиндан сўнг жамоанинг руҳий ҳолати ҳақида гапирди.
"Ғалабадан ортиқча қувонмаслик ёки мағлубиятдан ортиқча хавотирга тушмаслик керак. Биз қанчалик мувозанатли бўлсак, буларнинг барчасини шунчалик яхши енгиб ўтамиз ва ўйинимиз шунчалик самарали бўлади. Бундай ҳолат ҳар қандай клубда бўлган, бўлмоқда ва бўлади," - деди Алонсо журналистларга.
Испания чемпионатининг 8-тури доирасида "Реал" ўз майдонида "Вильярреал"ни қабул қилади. Ўйин 4 октябрь куни бўлиб ўтади ва Тошкент вақти билан 23:59 да бошланади.
