"Тоттенхэм" ярим ҳимоячи Родриго Бентанкур билан шартномани узайтирганини эълон қилди. Бу борада Лондон жамоаси бош мураббийи Томас Франк изоҳ берди.
"Бу ажойиб янгилик. Клуб Ромеро билан, энди Бентанкур билан ҳам шартномани узайтиришга муваффақ бўлди. Ўйлайманки, бу иккала футболчи ҳам бу ерда лойиҳага ва келажакка ишонишининг муҳим белгисидир. Умид қиламанки, бизни ажойиб биргаликдаги саёҳат кутмоқда.
Бентанкур - топ футболчи. У аллақачон "Тоттенхэм"нинг асосий футболчиси бўлган ва ишончим комилки, биз ундан янада кўпроқ нарса олишимиз мумкин. У янада юқори даражага кўтарилиш салоҳиятига эга," - деди Франк матбуот анжуманида.
4 октябрь, шанба куни "Тоттенхэм" Премьер-лига доирасида "Лидс" меҳмони бўлади.
