"Манчестер Юнайтед"нинг собиқ футболчиси Ники Батт "қизил иблислар"нинг Англия чемпионатидаги муваффақиятсиз старти ҳақида гапирди.
Мутахассис бош мураббий Рубен Аморимни истеъфога чиқариш клубдаги вазиятни ўзгартирмаслигига ишонч билдирмоқда.
«Аслида, клуб ҳозир пастдан юқорига қараб чириб бормоқда. Ҳатто сэр Алексни энг яхши даврида олиб келсангиз ҳам, у бир зумда ҳамма нарсани ўзгартира олмайди, бунга анча вақт керак бўлади. У ерга Пеп ёки Клоппни олиб борсангиз ҳам натижа бўлмайди», - дея Баттнинг сўзларини келтирмоқда FourFourTwo.
Манкунианликлар 6 та ўйин ўтказгандан сўнг АПЛ турнир жадвалида 14-ўринни эгаллаб турибди. Аморимнинг жамоаси атиги 7 очко тўплашга эришди.
