Шанба куни "Арсенал" "Вест Хэм"га қарши дерби ўтказади. Букайо Сака учун бу баҳс Премьер-лигадаги 200-ўйин бўлиши мумкин. Футболчи ҳақида "канонирлар" етакчиси Микель Артета ўз фикрларини билдирди.
"Биринчи ўйиндаёқ Сакадан чап қанот ҳимоячиси сифатида фойдаландим! У футболчи сифатида ҳам, инсон сифатида ҳам жуда ривожланди ва ривожланишида улкан йўлни босиб ўтди. Шунингдек, у жамоадаги роли бўйича олдинга силжиди. Биз биргаликда катта йўлни босиб ўтдик, буни кузатиш қувончли бўлди", - деди Артета матбуот анжуманида.
Эслатиб ўтамиз, "Арсенал" ва "Вест Хэм" жамоалари ўртасидаги баҳс 4 октябрь куни Тошкент вақти билан соат 19:00да бошланади.
