"Арсенал" жамоаси бош мураббийи Микель Артета АПЛ доирасидаги "Вест Хэм"га қарши дерби олдидан кадрлар масаласида ўз фикрларини билдириб ўтди.
"Биз Габриэлнинг машғулотдан кейинги ҳолатини кўришимиз керак. Кўрамиз, у ўзини қандай ҳис қиларкин, лекин биз унчалик ташвишланмаймиз. Инкапье терма жамоалар ўйинлари учун танаффусдан кейин тайёр бўлади - унга ҳали ўйнашга эрта. Хаверц, Мадуэке ва Жезус билан боғлиқ вазият ўзгармади," - деди Артета журналистларга.
Аввалроқ ОАВда Хаверц ва Мадуэке қишга яқин, Жезус эса 2026 йил бошида сафга қайтиши ҳақида ёзишганди.
"Арсенал" Премьер-лига турнир жадвалида иккинчи ўринда бормоқда.
