Мадриднинг «Реал» ва «Манчестер Юнайтед» клублари собиқ ҳимоячиси Серхио Регилон «Интер Майами»га ўтиши мумкин. Бу ҳақда журналист Фабрицио Романо ижтимоий тармоқда хабар берди.

Романо маълумотига кўра, «Интер Майами» 28 ёшли Регилон билан шартнома имзолаш бўйича фаол музокаралар олиб бормоқда. Испан футболчиси июль ойида «Тоттенҳэм» билан шартномаси тугагач, жамоани тарк этган ва ҳозир эркин агент мақомига эга.

Регилон «Интер Майами» таклифини қабул қилиши кутилмоқда, чунки у клубни кўплаб бошқа таклифларга қарамасдан энг яхши вариант деб ҳисобламоқда.

Ўтган мавсумда ҳимоячи «Тоттенҳэм» сафида олти ўйинда майдонга тушган ва самарали ҳаракатлар билан ажралиб турмаган. Аввалроқ у «Реал», «Атлетико», «Севилья», «Манчестер Юнайтед» ва «Брентфорд» клублари шарафини ҳам ҳимоя қилган. Испания терма жамоаси асосий таркибида эса 6 та ўйин ўтказган.