Хабарларга кўра, Италиянинг "Наполи" клуби қишки трансферлар даврида "Манчестер Юнайтед"нинг иқтидорли хавбеки билан шартнома имзолаш учун биринчи рақамли даъвогар бўлади.
20 ёшли англиялик Кобби Майну ҳамон Рубен Аморим бошчилигидаги жамоанинг асосий таркибидан жой ололмаяпти ва футболчи келажакда жамоани тарк этиши ҳақида миш-мишлар юрибди.
Агар португалиялик "қизил иблислар" бошқарувида қоладиган бўлса, Майнунинг клубни тарк этиши деярли муқаррар бўлади. Бу мавсумда Кобби барча мусобақаларда 5 та ўйин ўтказиб, 1 та голли узатмани амалга оширди.
