«Сурхон» - «Динамо» (0:2) учрашувидан кейин самарқандликлар ҳужумчиси Анваржон Ҳожимирзаев Термиздаги ўйин ва Ўзбекистон миллий жамоасига таклиф этилгани ҳақида фикр билдирди.

«Авваламбор, мухлисларимизни, «Динамо» жамоамизни бугунги ғалаба билан табриклайман. Осон ўйин бўлмади, лекин Худога шукур уддаладик. Мақсадимиз ғалаба эди ва бунга эришдик.

Ҳиссиётлар яхши албатта, Худога шукур деймиз, насиб қилди. Ўзбекистонлик барча футболчиларнинг орзуси, мақсади миллий жамоада ўйнаш, чақирилганимдан хурсандман, Худо хоҳласа боримизни бериб, ҳаракат қиламиз», - дейди «Динамо» жамоаси сардори.

Маълумот учун, Ўзбекистон миллий жамоаси 9 октябр куни Тошкентда Кувайтга қарши майдонга тушса, 13 октябрда Малайзияда Уругвайга қарши ўртоқлик учрашуви ўтказади.