Туркиялик 20 ёшли вингер Кенан Йилдиз тез орада Туриннинг "Ювентус" клуби билан меҳнат шартномасини узайтириши кутилмоқда. Бу ҳақда Николо Скира хабар берди.
Манбага кўра, Йилдизнинг "Ювентус" билан янги шартномаси 2030 йилгача мўлжалланган. Италия гранди Англия Премьер-лигасининг баъзи клублари қизиқиш билдираётган футболчининг маошини ошириши айтилмоқда.
Аввалроқ, Йилдиз билан музокараларга Лондоннинг "Арсенал" клуби ҳам қўшилгани хабар қилинганди.
Бу мавсумда вингер барча мусобақаларда еттита ўйинда иккита гол урди. Шунингдек, унинг ҳисобида тўртта ассист мавжуд.
