"Барселона" "Севилья"дан сўнгги 19 йилдаги энг йирик мағлубиятини қабул қилиб олди.
Ла Лига 8-туридан ўрин олган ўйин Андалусия жамоасининг 4:1 ҳисобидаги ғалабаси билан якунланди. Бу "Севилья"нинг 2006 йил 25 августдан бери каталонияликлар устидан қозонган энг йирик ғалабаси бўлди - ўшанда у Европа Суперкубогида 3:0 ҳисобида ғалаба қозонганди.
Бундан ташқари, "Барселона" 2021 йилдан бери биринчи марта, Испания чемпионати доирасида эса 2015 йил октябридан бери биринчи марта "Севилья"га ютқазди. Ўша ўйинлар мос равишда 2:0 ва 2:1 ҳисоблари билан якунланган.
