“Нефтчи” - “Андижон” (2:0) ўйинидан кейин мезбонлар устози Виталий Левченко ҳам матбуот анжуманида фикрлари билан ўртоқлашди.
- Ўйинни қийин бўлди, дейишим мумкин. Бу дерби ва қўшниларни жангги бўлди. Бу каби учрашувлар доим кучли босим остида ўтади. Бу икки жамоа принципиал рақиблар. Ғалаба қозонганимиздан жуда хурсандман. Мухлисларимизни хурсанд қилдик ва олдинга юришда давом этамиз.
- “Насаф” билан очколар фарқи яна қисқарди. “Насаф”дан ўтиб кетиш имкониятини неча фоизга айта оласиз?
- Биз томондан нима қилишимиз керак бўлса барчасини қиляпмиз. Ҳар бир ўйинга тайёргарлик кўрамиз ва ғалаба иштиёқида майдонга тушамиз. Чемпионат оғир ўтяпти ва ғалаба қозониш қийин. Биринчи навбатда асосий эътиборни ўз ўйинимизга қаратишимиз ва очколаримизни жамғариб боришимиз керак. Турдан-турга ўйинимизни мустаҳкамлаб бораверамиз.
- Суперлигада қисқа танаффус бўлади. Бу вақт ичида ўртоқлик ўйини ўтказиладими?
- Бу борада режалаштириб турибмиз. Терма жамоага чақирилганлар бор ва улар терма ихтиёрига кетишади. Биз бу давр ичида тузган режамиз бўйича ишлаймиз ва битта назорат ўйинида майдонга тушамиз.
- Миллий терма жамоани Фабио Каннаваро бошқариши ҳақида маълумотлар чиқяпти. Бу ҳақида муносабатингиз қандай?
-. Бу борада бирор фикр айта олмайман. Чунки ЎФА мутасаддилари бор. Бунга жавоб берадиган масъул шахслар бор. Олдинда бизни жаҳон чемпионати кутиб турибди. Футбол мутасаддилари термани янада кучайтириш мақсадида таклиф қилишаётган бўлса, бу яхши, албатта. Янги мураббий мухлисларни хурсанд қила олса, биз ҳам бундан хурсанд бўламиз.
- Зоран Марушич кам ўйнаяпти. Уни жароҳати борми?
- Жароҳати бор эди. Якка тартибда шуғулланишни бошлади. Биз уни кейинги учрашувларда кўрамиз.
- Стадионда муҳит зўр бўлди. Мухлислар ҳақида фикрларингиз...
- Бундай атмосферада ўйнаш жуда ёқимли. Иккала жамоа ишқибозлари ажойиб равишда қўллаб-қувватлашди. Маҳаллий ва андижонлик мухлислар муҳитни зўр яратиб беришди. Бу каби баҳслар ОЧЛ доирасидаги ўйинларни эслатиб юборяпти. Иккала жамоа ишқибозларига респект.
