"Барселона" марказий ҳимоячиси Пау Кубарси Ла Лига 8-туридан ўрин олган "Севилья"га (1:4) қарши ўйиндаги йирик мағлубиятдан сўнг жамоанинг муаммолари ҳақида фикр билдирди.
"Керакли кайфиятсиз майдонга тушиб бўлмайди. Ўйин бошланганда ухлаб қолдик. Ҳимоядаги муаммолар ҳужум ва ярим ҳимоядан бошланади. Ўтган мавсумдагидек прессинг қилишимиз керак, деб ҳисоблайман.
Хотиржамлик бизга таъсир қилди - бунга йўл қўйиб бўлмайди. Ҳа, бу бор-йўғи битта ўйин, бунга кескин муносабатда бўлиш керак эмас, аммо бу вазият бурилиш нуқтаси бўлиши мумкин. Майдон ҳолати ва бошқа омиллар билан ўзимни оқламоқчи эмасман - масъулият тўлиқ ўз зиммамизда," - дея 18 ёшли футболчининг сўзларини келтиради Managing Barca.
