"Барселона" вингери Маркус Рэшфорд "Севилья"га қарши ўйинни жароҳат билан якунлади.

Англиялик футболчи якшанба куни Ла Лигада йирик ҳисобдаги мағлубият (1:4) билан якунланган учрашувда "кўк-анорранглилар"нинг ягона голига муаллифлик қилди. Diario Sport нашрининг хабар беришича, Рэшфорд жиддий жароҳатдан қутулиб қолган. Эҳтимол, бу оддий лат ейишдир, шунинг учун тикланиш кўп вақт талаб қилмаслиги керак.

Биринчи бўлим сўнгида Маркус Рэшфорд ўз ҳисобига гол ёздириб қўйди - 1:2. Иккинчи бўлимда майдон эгалари яна икки бор гол уриб, ҳисобни йирик кўринишга олиб келди.