"Реал" афсонаси, ҳозирда Саудиянинг "Ан-Наср" клубида ҳаракат қилаётган португалиялик мегаюлдуз Криштиану Роналдунинг ўғли кичик Криштиану Роналду "қироллик клуби" сафига ўтиши мумкин.
Daily Sports ва Al Kass нашрларининг ёзишича, "Реал" ва шахсан клуб президенти Флорентино Переснинг ўзи Криштиану JR нинг хизматларига қизиқмоқда. "Қаймоқранглилар" скаутлари 15 ёшли футболчининг ҳаракатларини ўрганиб чиқишган ва футболчининг келажагини истиқболли деб топишган.
Кичик Роналду 15 ёшда. У ўнг ва чап қанот ҳужумида ўйнай олади. У Португалия U 15 терма жамоасида 4 та ўйинда 2 та гол урган.
