Якшанбадан душанбага ўтар кечаси ҳужумчи Мемфис Депай Бразилиядан Нидерландия терма жамоаси қароргоҳига учиб кетиши керак эди. NOS хабарига кўра, аэропортга жўнаб кетишдан бир соат олдин Депай паспортини топа олмаган. Ҳужжат ўғирланган деб тахмин қилинмоқда.

Депай барибир аэропортга борди, лекин уни рейсга қўйишмади. Энди футболчи муаммони ҳал қилиши керак. Мемфис "апелсинлар" қароргоҳига кечроқ етиб келиши кутилмоқда.

Нидерландия терма жамоаси бош мураббийи Рональд Куман матбуот анжуманида вазиятдан афсусда эканини билдирди. Куманнинг сўзларига кўра, Депай яқинлашиб келаётган ўйинда асосий таркибда майдонга туша олмайди.