"Ньюкасл" ярим ҳимоячиси Сандро Тонали "Ювентус"нинг асосий трансфер мақсадига айланди. Бу ҳақда журналист Экрем Конур хабар бермоқда.
Манбага ишонадиган бўлсак, 25 ёшли италияликнинг ўзи ҳам ватанига қайтишни истамоқда, бу эса "Ньюкасл"ни музокараларга ундаши мумкин. Тонали Игор Тудор учун идеал номзод ҳисобланади, аммо шу билан бирга, "Ювентус" "Милан"нинг собиқ футболчисини қўлга киритиш учун бир нечта трансферларни амалга ошириши керак бўлиши мумкин.
Жорий мавсумда Тонали барча мусобақаларни инобатга олган ҳолда 9 та учрашувда иштирок этди ва 2 та ассистни ўз ҳисобига ёздириб қўйди.
