"Айнтрахт" энг яхши тўпурари Жан Узунни 80 миллион еврога баҳолаган.
Туркия терма жамоасининг 19 ёшли ҳужумкор ярим ҳимоячисига аллақачон АПЛ клублари қизиқиш билдирган.
"Айнтрахт" спорт директори Маркус Креше келаси ёзда Узун учун 80 млн евро талаб қилади, дея хабар бермоқда Флориан Плеттенберг.
Жаннинг клуб билан шартномаси 2029 йилнинг ёзига қадар мўлжалланган, келишувда товон пули миқдори кўрсатилмаган. Transfermarkt портали футболчини 18 млн еврога баҳоламоқда.
Узун Бундеслиганинг 6 ўйинида 5 та гол урди ва 3 та голли узатмани амалга оширди, у жамоанинг энг яхши тўпурари ва "гол+пас" тизими бўйича етакчи ҳисобланади.
