Лондоннинг "Арсенал" жамоасига бош мураббийлик қилаётган испаниялик мутахассис Микель Артета бурчак зарбаларидан энг самарали фойдаланаётган мураббийлар сафига кирди. Бу ҳақда OptaJoe хабар бермоқда.
Манба маълумотларига кўра, Артета АПЛда жамоалари 300 дан ортиқ гол урган мураббийлар рўйхатида учинчи ўринни эгалламоқда. "Арсенал" томонидан урилган голларнинг 16,7 фоизи (408 тадан 68 таси) бурчак тўпларидан сўнг амалга оширилган.
Артетадан олдинда "Сток Сити", "Кристал Пэлас" ва бошқа бир қатор клублар билан ишлаган Тони Пюлис турибди. Пюлис 21,9 фоиз кўрсаткич билан пешқадам. Иккинчи ўринда эса Шон Дайч - 18,6 фоиз ("Уотфорд", "Бернли", "Эвертон") билан жойлашган.













