Италия терма жамоасининг собиқ футболчиси Антонио Кассано "Милан" қанот ҳужумчиси Рафаэль Леаунинг ўйинини танқид қилди.

"Ўнг оёғи билан ҳам, чап оёғи билан ҳам тепишни билмайдиган йигитни кўрганимда, одамлар мени унга тирноқ остидан кир қидиряпти, деб ўйлашади, аммо бу ҳақиқат. У қандай ўйнашни билмайди, футболни тушунмайди, бир оёғи билан зарба беришни билмайди," - деди Кассано Viva el Futbol эфирида.

Мутахассиснинг фикрича, португалияликнинг майдондаги ягона фойдали сифати - тўпни тезликда назорат қила олиш қобилиятидир.

Жорий мавсумда Леау жароҳат туфайли "россонерилар" либосида бор йўғи 3 та ўйинда майдонга тушди. У битта гол урди. "Милан" 13 очко билан А Серия турнир жадвалида учинчи ўринда бормоқда.