Нико Шлоттербек Дортмунднинг "Боруссия" клуби билан шартномани узайтириш бўйича музокаралар олиб бормоқда, унинг доирасида у йилига 10 миллион евро маош олиши мумкин. "Бавария" ва "Реал" вазиятни кузатиб бормоқда.
Bild хабарига кўра, "Боруссия" ҳимоячиси Нико Шлоттербек янги шартномада йилига кафолатланган 10 миллион евро маош кўрсатилишини талаб қилмоқда. Футболчи мениск жароҳатидан тузалганидан сўнг, эҳтимолий янги шартнома ҳақидаги гап-сўзлар дарҳол бошланди. Футболчининг ўзи getfootballnewsgermany.com хабарига кўра, музокараларга қуйидагича изоҳ берган:
- Тўғрисини айтсам, янги шартнома масаласи бунчалик тез ҳал бўлади, деб ўйламайман.
Ҳозирда клубнинг энг кўп маош олувчи футболчиси Никлас Зюле бўлиб, у йилига 14 миллион евро маош олади, аммо унинг шартномаси якунига етмоқда, шунинг учун "Боруссия"да Шлоттербек билан янги шартнома тузиш учун маблағ бор деб ҳисобланади.
Узоқ давом этган музокаралар фонида футболчига керакли шартларни таклиф билан чиқишга тайёр турган "Реал" ва "Бавария" ҳам пайдо бўлди. Мюнхенликлар ҳозирда Дайо Упамекано билан шартномани узайтириш бўйича музокаралар олиб бормоқда ва кўп нарса унинг натижаларига боғлиқ.
Шлоттербекнинг "Боруссия" билан шартномаси 2027 йилгача мўлжалланган ва агар улар келиша олмаса, келаси ёздаёқ футболчи трансферга қўйилади.
