Фарғонада Халқаро теннис федерацияси томонидан ўсмирлар ўртасида J200 таснифига кирувчи турнир ўтказилмоқда.

Мазкур мусобақанинг яккалик баҳсларида Данила Квасов илк даврада Ярослав Клишинни 6:1, 7:5 ҳисобида таслим қилди ва чорак финал остонасида Руслан Костюкевич билан рақобатлашиш ҳуқуқини қўлга киритди.  

Жуфтлик беллашувларида Маҳмудбек Бекназаров ва Абдураҳмон Каримов тандеми нейтрал теннисчи Вадим Лиашенко ҳамда Даниел Юреклини 4:6, 7:6, 10:8 ҳисобида мағлубиятга учратди. Шунингдек, Жавоҳир Мирзакамолов ва Амир Сафоев дуэти нейтрал мақомдаги Алан Аюханов ва Павел Скворцовни 7:6, 6:1 ҳисобида енгди.  

Мусобақа давом этмоқда.