"Реал" ҳужумчиси Родриго ҳақиқатан ҳам бошқа клублардан таклиф борлигини тан олди.
"Ҳар ёзда бир хил ҳолат такрорланади - кетаманми йўқми, таклифларим борми, деган миш-мишлар пайдо бўлади... Ёзилганларга қараганда, гўё ҳар ҳафта янги жамоага ўтаётгандекман. Ёлғон гапирмайман - таклифлар доимо бор. Аммо мен ҳар доим шу ерда муваффақиятга эришишни хоҳлаганман. Эришган ютуқларимдан ҳам кўпроқ натижаларга эришмоқчиман. Шу ёшимда икки марта Чемпионлар Лигасида ғолиб бўлиш жиддий ютуқ, лекин мен совринлар ютишни давом эттирмоқчиман," - деди Родриго AS'га.
24 ёшли Родриго фақатгина "Реал" клуби ундан бошқа жамоа топишни сўраган тақдирдагина жамоани тарк этишини таъкидлади.
