"Real" hujumchisi Rodrigo haqiqatan ham boshqa klublardan taklif borligini tan oldi.
"Har yozda bir xil holat takrorlanadi - ketamanmi yo‘qmi, takliflarim bormi, degan mish-mishlar paydo bo‘ladi... Yozilganlarga qaraganda, go‘yo har hafta yangi jamoaga o‘tayotgandekman. Yolg‘on gapirmayman - takliflar doimo bor. Ammo men har doim shu yerda muvaffaqiyatga erishishni xohlaganman. Erishgan yutuqlarimdan ham ko‘proq natijalarga erishmoqchiman. Shu yoshimda ikki marta Chempionlar Ligasida g‘olib bo‘lish jiddiy yutuq, lekin men sovrinlar yutishni davom ettirmoqchiman," - dedi Rodrigo AS'ga.
24 yoshli Rodrigo faqatgina "Real" klubi undan boshqa jamoa topishni so‘ragan taqdirdagina jamoani tark etishini ta’kidladi.
