"Барселона" "Севилья"га қарши сўнгги ўйинда 1:4 ҳисобида мағлуб бўлди. Бош мураббий Ҳанс-Дитер Флик биринчи бўлимда ўз футболчиларининг ҳаракатларидан қониқмади, шунинг учун танаффусдаёқ икки ҳимоячи - Жерар Мартин ва Рональд Араухони алмаштирди. Diario AS хабарига кўра, иккала алмаштириш ҳам "интизомий жазо" бўлган. Вазиятни сақлаб қолишнинг иложи бўлмади ва иккинчи бўлимда "Барселона" яна икки марта гол ўтказиб юборди, аммо бошқа гол ура олмади.
Қайд этилишича, Флик баъзи футболчилар, жумладан, Араухо билан уларнинг ўйинини яхшилаш учун индивидуал машғулотлар ўтказади.
"Барселона" Ла Лига 8-туридан кейин турнир жадвалида 2-ўринда бормоқда ва Мадриднинг "Реал" клубидан 2 очко ортда қолмоқда.
