"Ан-Наср" бош мураббийи Жорже Жезуш ҳужумчи Криштиану Роналду ҳақида фикр билдирди.
40 ёшли футболчи жорий мавсумда олтита ўйинда бешта гол уриб, ажойиб сермаҳсуллик кўрсатишда давом этмоқда.
"Роналду ҳар жиҳатдан ўзига хос. Бу фақат унинг футболчилик сифатларига тааллуқли эмас. Шунчаки унинг ёнида бўлганингда, унинг кимлигини дарҳол тушунасан," - дея жорий йилнинг июль ойида Саудия Арабистони клубида бош мураббий лавозимини эгаллаган Жезуснинг сўзларини келтиради Al Nassr Zone.
Криштиану Роналдунинг "Ан-Наср" билан амалдаги шартномаси 2027 йилнинг ярмигача мўлжалланган. Февраль ойида юлдуз ҳужумчи 41 ёшга тўлади.
