Бугун тонгда Қозонда давом этаётган талабаларнинг Бутунжаҳон универсиадасида медаллар учун дастлабки мусобақалар бўлиб ўтди. Байдарка бўйича 1000 метрга яккалик баҳсларининг финалига йўлланмани қўлга киритган ўзбекистонлик спортчи Алексей Мочалов ҳам стартга чиқди.
Масофанинг дастлабки 250 метрида 2-ўринда борган ҳамюртимиз, 500 ва 750 метр масофадаги белгиларни бешинчи бўлиб кесиб ўтди. Финишга яқин Мочалов темпни ушлаб қола олмади ва маррани еттинчи бўлиб кесиб ўтди.
Бироздан кейин каноэ мусобақасининг тўртлигида ўзбекистонлик спортчилар медаллар учун кураш олиб борадилар.