"Монако" раҳбарияти жамоа бош мураббийи Ади Хюттернинг истеъфосига тайёргарлик кўрмоқда. Бу ҳақда L'Equipe журналистлари хабар бермоқда.
Манбага кўра, француз клуби эътиборида Бельгиянинг "Юнион" клуби устози Себастьен Поконьоли турибди. Аввалроқ Тьяго Мотта, Эдин Терзич ва Марко Розе номзодлари муҳокама қилинганди.
Франция чемпионатининг 7 туридан сўнг монаколиклар 13 очко жамғариб, турнир жадвалида бешинчи ўринни эгаллаб турибди. Хюттер шогирдлари пешқадам "ПСЖ"дан 3 очко ортда қолмоқда.













