Италиянинг "Наполи" клуби "Сантос"нинг бразилиялик ҳужумчиси Неймарга қизиқиш билдираётган эди. Бу ҳақда La Gazetta dello Sport нашри маълум қилди.
Манбага кўра, жорий йилнинг январь ойидан май ойигача клубда Неймарни сотиб олиш варианти муҳокама қилинган, аммо якунда юлдуз футболчини таклиф қилмасликка қарор қилинган. Таъкидланишича, "Наполи" Неймарнинг келиши туфайли кийиниш хонасида юзага келиши мумкин бўлган муаммолардан қўрққан.
Жорий йилнинг январь ойидан буён 33 ёшли Неймар "Сантос" шарафини ҳимоя қилмоқда. Ўшандан бери у 21 та ўйинда майдонга тушиб, 6 та гол урди ва 3 та голли узатмани амалга оширди.
