Мадриднинг "Реал" клуби ҳимоячиси Эдер Милитао футболчилик фаолиятини якунлаши мумкинлигини тан олди.
"Тиззамнинг иккинчи жароҳатидан кейин кўп нарсаларни ўйладим. Футболдан кетишни ўйлагандим, лекин рафиқам, қизим ва жамоадошларимнинг ёрдами билан бугун шу ердаман ва яхши ўйнаяпман. Бу жуда оғир икки йил бўлди, иккита жуда жиддий жароҳат бўлди", - дея Милитаонинг сўзларини келтиради Diario AS.
Жорий мавсумда 27 ёшли бразилиялик барча мусобақаларда еттита учрашувда қатнашиб, битта гол уришга муваффақ бўлди.













