Қозонда давом этаётган талабаларнинг Бутунжаҳон универсиадасида байдарка ва каноэ бўйича медаллар учун бугунги баҳслар якунланди.

Каноэ бўйича 1000 метр масофага тўртлик баҳсларининг финалида иштирок этган спортчиларимиз — Ильдар Қаюмов, Нурислом Тўхтасин ўғли, Дилшод Йўлдошев ва Муроджон Азметов стартни жуда бўш олишди. Улар масофанинг 250 ва 500 метр масофаларида 7та давлат ўртасида сўнгги ўринда боришди. Финишгача 250 метр қолганида улар 4-ўринга чиқиб олиш билан биргаликда, 3-ўриндаги беларусликлардан бор-йўғи ярим сонияга ортда боришаётганди. Юртдошларимиз масофанинг қолган қисмида Беларусь термасини ортда қолдиришди, бироқ 6-ўринда бораётган Украина тезликни кескин оширди ва олтин медалларни қўлга киритди. Ўзбекистонликлар эса 4-ўринда қолиб кетишди. Иккинчи ва учинчи ўринларни Россия ва Польша спортчилари эгаллашди.

Бугун 2 нафар самбочимиз мусобақада иштирок этмоқда.