"Комо"нинг аргентиналик ҳужумкор ярим ҳимоячиси Николас Пас Италия чемпионатининг сентябрь ойи якунларига кўра энг яхши ёш футболчиси деб топилди.
Ўтказилган тўртта ўйинда у иккита гол урди ва шерикларига иккита голли узатмани амалга оширди. Пас учун бу кетма-кет иккинчи шундай мукофот. Бундан ташқари, у аввалги мавсум якунларига кўра ҳам энг яхши ёш футболчи деб топилган эди.
Умуман олганда, Пас бу мавсумда А Сериянинг олтита ўйинида учта гол урди ва учта голли узатмани амалга оширди. "Комо" олти турда тўққиз очко тўплади ва Италия чемпионати жадвалида саккизинчи ўринда бормоқда.
