"Интер" яримҳимоячиси Генрих Мхитарян ёш футболчиларда учраётган муаммо ҳақида гапирди. Арманистонлик футболчиларнинг телефонга бўлган муҳаббатини "касаллик" деб ҳисобламоқда.
"Тунги осмонга қарасангиз, кўплаб юлдузларни кўришингиз мумкин. Аммо фақат битта юлдузга эътибор қаратсангиз, қолганларини сезмайсиз. Телефон билан ҳам шундай: унга ҳадеб қарайверсанг, атрофингда нималар бўлаётганини кўрмай қоласан.
Шунинг учун уни тез-тез кийиниш хонасида ёки спорт залида ишлатишни ёқтирмайман. Бу ҳам натижага таъсир қилади: кейин ўйинчи бошини эгиб, фақат тўпга қарайди, шерикларини кўрмайди. Бу нафақат футболда, балки кўплаб ёш йигитларда ўзига хос касалликдир", - деди Мхитарян La Gazzetta dello Sport нашрига.
"Интер" А Серия 6-туридан кейин турнир жадвалида 4-ўринда бормоқда.
