Ўзбекистонлик самбочи Суҳроб Остоноев (-90 кг) Қозонда бўлиб ўтаётган Универсиаданинг 3-ўрин учун баҳсида иштирок этадиган бўлди. Суҳроб ярим финалгача Андрей Хордиенко (Украина, 4:0), Борис Кибрик (Исроил, 4:0)ни енгиб, финал остонасида тожикистонлик Камроншоҳ Устапириёнга ютқазиб қўйди.
Остонаевнинг рақиби саралаш баҳсидан кейин маълум бўлади.
Эслатиб ўтамиз, бугун Универсиаданинг тўққизинчи куни давом этмоқда. Ўзбекистон делегацияси шу пайтгача 2та олтин, 7та кумуш ва 8та бронза медаллари билан умумжамоа ҳисобида 19-ўринда бормоқда.