Англиялик ҳимоячи Харри Магуайр "Манчестер Юнайтед" билан шартномасини узайтириши мумкин.
Таниқли журналист Фабрицио Романонинг хабар беришича, клуб аллақачон футболчининг вакиллари билан янги шартнома борасида музокараларни бошлаб юборган.
Томонлар фақат дастлабки учрашувни ўтказдилар ва яқин келажакда янги келишув тафсилотлари бўйича кейинги муҳокамалар режалаштирилган.
Магуайр 2019 йилдан буён “Манчестер Юнайтед”да тўп тепади. Жорий мавсумда футболчи Англия премьер-лигасида 6 та ўйинда майдонга тушди ва битта голли узатмани амалга оширди.
Унинг жамоаси айни дамда турнир жадвалида ўнинчи ўринни эгаллаб турибди.
