Мадриднинг "Реал" клуби ҳужумчиси Гонсало Гарсия жамоада қолиш қароридан афсусда эмас.
21 ёшли футболчи клублар ўртасидаги жаҳон чемпионатида ёрқин ўйин кўрсатди, аммо жорий мавсум бошидан буён асосий таркибдаги ўрнини йўқотди. Испаниялик ҳужумчи жорий мавсум "қаймоқранглилар" сафида атиги бир марта асосий таркибда майдонга тушди.
"Мен бошқа вариантларни кўриб чиқмадим - фақат "Реал"да ўйнашни хоҳладим. Бу дунёнинг энг яхши клуби. Ҳа, ҳозир рақобат авжида, аммо "Реал"нинг асосий жамоасида ўйнаш орзуим. Қолганимдан афсусланмайман," - дея Гарсиянинг сўзларини келтиради Madrid Universal.
Ёш футболчи 2025/26 йилги мавсумда "Реал" сафида олтита ўйинда битта самарали узатмани амалга оширган.
