Германия миллий жамоаси бош мураббийи Юлиан Нагельсманн жамоа дарвозабони Мануэль Нойернинг жамоага қайтиши мумкинлиги ҳақидаги фикрлари билан ўртоқлашди. Аввалроқ, "Бавария"нинг 39 ёшли футболчиси "Бундесманшафт" сафига қайтишга қарши эмаслигини маълум қилганди.

"Мануэль кетганидан бери дарвозабонлар билан муаммо бўлмади. Футболда маълум чоралар кўришни талаб қиладиган вазиятлар юзага келиши мумкин, аммо ҳозирча бундай эмас. Келажакни башорат қила олмайман," - дея мураббийнинг сўзларини келтиради Bayern & Germany.

Нойер 2009-2024 йиллар оралиғида миллий терма жамоа сафида 124 та ўйин ўтказган. 2014 йилда у Германиянинг жаҳон чемпионатида ғалаба қозонишига ҳисса қўшди.