ФИФА кунларида миллий жамоалар ўйинлари сабабли Суперлигада икки ҳафталик танаффус юзага келган.

«Динамо» жамоасининг 4 нафар аъзоси Ўзбекистон миллий жамоаси ва ёшлар жамоасига чақирилган бўлса-да, клуб аъзолари Суперлиганинг қолган ўйинларига Чархиндаги «Динамо» футбол мактабида тайёргарликни давом эттирмоқда.

Вадим Абрамов мураббийлигидаги жамоа тайёргарлик доирасида 11 октябр, шанба куни Жиззахда «Сўғдиёна» жамоасига қарши, 13 октябрда эса Самарқандда «Машъал» клуби билан ўртоқлик ўйинини ўтказади. Учрашувлар соат 17:00да бошланади.

Ўртоқлик ўйинлари.
11 октябр (шанба)
«Сўғдиёна» - «Динамо»
Жиззах, «Сўғдиёна» стадиони, 17:00.

13 октябр (душанба)
«Динамо» - «Машъал»
Самарқанд, «Динамо» стадиони, 17:00.