Йозуа Киммихнинг дубли Германия терма жамоасига жаҳон чемпионати саралашида люксембурглик рақибларини тор-мор этишга ёрдам берди (4:0).

Хабарингиз бор, Юлиан Нагельсманн Киммихни ўнг қанот ҳимоясида кўраётган бўлса, "Бавария"да 30 ёшли футболчи майдон марказида ўйнамоқда.

"Қарорни мураббий қабул қилади - у мени қаерга жойлаштиришни маъқул кўрса, ўша ерда ўйнашдан хурсанд эканимни очиқ айтдим. "Бавария"да эса бошқача - у ерда таянч ярим ҳимоячисиман. Терма жамоада барчаси мураббий танловига боғлиқ," - дея Киммихнинг сўзларини келтиради Bayern & Germany.

Душанба куни Германия терма жамоаси Шимолий Ирландияга қарши баҳс олиб боради.