Мюнхеннинг "Бавария" клуби ва Франция терма жамоаси ҳимоячиси Дайо Упамекано Усмон Дембеле "Олтин тўп"ни қўлга киритганини билган пайтдаги ҳис-туйғулари ҳақида гапирди. Футболчининг сўзларига кўра, у бахт кўз ёшларини тия олмаган.
"Ўшанда "Олтин тўп"ни Усмон кўтараётганини кўрганимда йиғлаб юбордим. Мен ҳам маросимга боришим керак эди, лекин боролмадим. Бу сеҳрли лаҳза эди. Биз унинг қандай қилиб буюк футболчига айланганини кўрдик," - дея Упамеканонинг сўзларини келтиради Франциянинг Le Parisien нашри.
Дембеле жаҳон футболидаги энг нуфузли индивидуал совринни қўлга киритган олтинчи Франция вакили бўлди.
