"Милан" раҳбарларидан бири Златан Ибраҳимович трансфер ойнаси сўнггида "Милан"га ўтган Адриен Рабьо ҳақида фикр билдирди. Ибраҳимовичнинг сўзларига кўра, Рабьо бир йил олдин "Милан"га ўтиши мумкин эди.
"У бир йил олдин сафимизга кўчиб ўтиши керак эди, биз уни кутаётган эдик, лекин у Францияга қайтишни афзал кўрди," - дея Ибраҳимовичнинг сўзларини келтиради pianetamilan.it.
Рабьо аввал ҳам Италияда ўйнаган, Туриннинг "Ювентус" клуби шарафини ҳимоя қилган. Ҳозирда "Милан" Италия чемпионати турнир жадвалида учинчи ўринни эгаллаб турибди. Клуб кейинги турда "Фиорентина" билан ўйнайди.
