Аргентина терма жамоаси ярим ҳимоячиси Энцо Фернандес ўнг тиззасидан жароҳат олди. Аргентина терма жамоаси матбуот хизматининг маълум қилишича, футболчига яллиғланиш ташхиси қўйилган, шу сабабли у 15 октябрь куни бўлиб ўтадиган Пуэрто-Рикога қарши баҳсда иштирок эта олмайди.
Фернандес тикланиш ва даволаниш учун Лондоннинг "Челси" клуби қароргоҳига қайтади.
Жорий мавсумда 24 ёшли марказий ярим ҳимоячи "Челси" сафида Англия чемпионатида 7 та ўйинда майдонга тушиб, 3 та гол урди ва 1 та голли узатмани амалга оширди. Шунингдек, у Чемпионлар Лигасида иккита ўйин ўтказди.
